> Zurück

Radunonza generala 2019 da sonda ils 25.01.2020

Valentin Vincenz 29.01.2020

 

Alla radunonza generala han 36 commembras e commembers da nossa uniun priu part. Cun igl usitau slonsch ha il president menau tras las tractandas.

Midadas impurtontas dat ei enteifer la suprastonza. La tresta mort prematura dad Ursi Vincenz, suprastonta dapi la fundaziun da Pro Andiast, e l'abdicaziun motivada da sanadad da Valentin Vincenz fan ina gronda largia. Ils treis suprastonts che restan meinan vinavon l'uniun e tschercan successur(a)s adattai.

Cun il premi Pro Andiast 2019 vegn la continuada e gronda lavur da Maurus Vincenz per il beinesser dad Andiast undrada.

Ina ga dapli ha il restaurant Postigliun furniu in grondiusa tscheina e pliras commembras han procurau per bialas plattas salata ed in gustus buffet da dessert. Suenter tscheina ha Cundrau Spescha mussau ina schelta da ses bellezia films sur ils animals e las muntognas ella regiun da Breil ed Andiast.

La sera ei ida a fin en plascheivel star ensemen en in ambient fetg emperneivel ed amicabel.

Per la suprastonza:

Roland Niedermann