> Zurück

Inauguraziun dallas tablas d'infurmaziun sper il Lag de Pigniu, 06.07.2019

Valentin Vincenz 07.07.2019

Ussen sonda ils 6 da fenadur ha la fiasta d'inauguraziun dallas tablas d'infurmaziun giu liug en aura ideala. Ina roscha da varga 20  persunas ei arrivada a pei, cun velo ni cun auto entochen alla plazza da recreaziun el Schmuér sisur il mir da fermada da Pigniu.

Gl'emprem havein nus gudiu igl aperitif, silsuenter han Valentin Vincenz ed Arnold Spescha relatau a nus dad interessants fatgs sur dalla historia en connex cun las tablas montadas vid il grep.

Il grondius gentar giu dalla gartella digl Erich e dil Daniel ha veramein gustau a tuts - els dus ein propi sequalificai per la proxima occurrenza da Pro Andiast. Era il da beiber per pign e grond ha buca muncau.

In'emperneivla sentupada, en in ambient grondius e plascheivel Quei bi gi perschuada nus da cuntinuar cun talas occurrenzas per commembras e commembers da noss' Uniun.