> Zurück

Radunonza generala 2018 dall' Uniun Pro Andiast, 02.03.2019

Valentin Vincenz 05.03.2019

La sera dils 2 da mars ein ver 40 commembras e commembers seradunai ella casa da scola per la radunonza generala. Sco adina ha ei dau gl'emprem in aperitif. Las tractandas han buca dau grondas emoziuns, temas sco igl onn vargau cun las novas statutas han muncau uonn.

Ils president relata digl onn passau. Entginas occurenzas previdas ein stadas sut schliat' enzenna. L'aura ha beinduras smesau la partiziponza. L'excursiun da bulius ha pervia dil schetg dil meins d'uost buca giu liug. Il concert alla fin d'october cun ils cantauturs "Alexi e Marcus" ha giu buna calamita. Suenter la part ufficiala han ils presents astgau guder ina fetg buna tscheina ord la cuschina dil Postigliun. In cordial engraziament al Guido ed al Sandro. Entginas commembras han offeriu in buontad buffet da salata e dessert.

Il "premi Pro Andiast" per in special engaschi enteifer il vitg Andiast vegn surdaus quest onn a Mario Sgier, il grond promotur dil sport e confundatur dall'Uniun Sportiva Andiast (USA). Plinavon ha el naven d' ils onns 1965 entochen viaden els 1980 adina puspei filmau cun sia camera privata la veta da mintgagi el vitg. Cun agid dil Bruno Schlanser ha Mario produciu in film digitalisau da ca. 40 minutas cun il tetel "Las Stagiuns el vitg". Il Bruno ha registrau il commentari tudestg da Valentin Vincenz. Suenter tscheina vegn quei film mussaus als presents. Igl interess ei staus fetg gronds. Ina plascheivla sera ei ida a fin en legra cupagnia da hosps ed indigens d'Andiast.